فكرت ترجع ine.com >onl

فكرت ترجع ؟؟؟ سؤال عجيب !!!! سأله سلامة مسافر جديد…. للحج عليش فاتح بقالة تحت البناية … فكرت ترجع ؟؟ رد عليش … سؤال عجيب !!! أرجع لمين ؟؟؟ قاله سلامة ارجع لأهلك … ارجع لوطنك … لذكرى حلوه فكرك بيها الحنين … لزرعة حطتها في ارضك … منتظرة ترجع من سنين. ياولدي اسكت…. خليني ساكت …. ارجع وكيلو اللحمة بثمانين جنيه…. والأتوبيس اللي بريزه بقى خلاص بجنيه …. عاوزني ارجع اموت في طابور العيش … ولا عاوزني اصرخ في مظاهرة … ويقولو بعد سنين في الغربة رجع ارهابي عليش …. وانت عارف الحبة قبة في ارض المحبة . عارف يا ولدي انا كنت زيك زمان … فارس …. والدنيا في ايدي فرسة مربوطة بلجام …. ياما مشيت في مظاهرات …. الاستقلال التام او الموت الزؤام … دلوقتي الكل خايف يموت بزكام … ماانت عارف …. خنزير .. وطيور .. ومعيز … والله اعلم فيه ايه كمان … والله الغربة مره … بس الأمر… تسمع صرخة ابنك بيقول جعان … سعتها تلعن اليوم اللي اتولدت فيه وتحس انك جبان … انت بقى ياسي سلامة قولي … ايه اللي جابك … جاي ترجع الزمان … ولا هربان من تار … اوعى تقولي جاي تبني بيتك … لا مؤخذه تبقى حمار … انا اسف اعذرني … اصل حلمت نفس الحلم زمان … من عشرين سنة قولت لمراتي هنبني بالطوبة الحمرة … ونعلى في البنيان … فاتت سنين من عمري … والدار بالطين لسه زي زمان … ما انت عارف … كل اما حوش قرش .. يزيد الحديد قرشين … خلاص زهقت مر على الحلم سنين وايام . لا يا عمي عليش اطمن … انا صحفي بتاع اخبار … سمعت عنك …. جيت اعمل معاك حوار . فضفض وقولي … ايه اللي عندك كمان… عندي كتير يا ولدي … والشكوى لغير الله مذلة …حكمة قلوها زمان …… عارف يا ولدي زمان … ماكنتش تعرف مسيحي من مسلم … كان الاسم مصري في اي مكان … دلوقتي طلعولنا بأفكار امريكان . ده حتى قسموا الاديان لأديان … ونصيحة من عمك يا ولدي … حاسب من الغربة … ولا تخدك الايام … روح بلدك وابني بنفسك … سيبك من اللي يقول بغير والتغيير وحزب وطني واخوان … ما في حد هيبني البلد غير ابنها الغلبان … وانت بقى يا ولدي في حزب ايه شغال ؟؟ ابتسم يا عم عليش … هاخدلك صورة بالألوان … وعلى فكره أنا مش صحفي بتاع اخبار … أنا جاي مخصوص اشدك على اللومان … سمعنا واحنا في بلد المحبة انك بتلقح بالكلام … هو اللي يقول الحق يتحط بين جدران … لأ… مش هقولك دي كانت غلطة مني ولا ذلة لسان …. اتفضل حط الحديد في يدي … ومش هقولك يا ولدي … عشان ابني مش جبان .