علشان محدش يمسح لك مخك ويقولك الدستور ده بيحارب
الشريعة الاسلامية.. وعلشان محدش يقولك أن ده دستور ليلي علوي والفنانين.. وعلشان
محدش يقعد يزيف الحقائق ويكدب زي مهو بيكدب على طول.. اقرأ دستور بلدك الجديد من
مصدره الأصلي.
شوف هو دستور اسلامي ووطني ولا لأ.. شوف هو
دستور بيحافظ على المواطن ولا لأ.. خلي بالك ميضحكوش عليك ويقول المحاكمات
العسكرية لأنه ده كلام مش صحيح.. العسكري والمدني بيتحاكموا أمام محاكم مدنية
باستثناء لما يكون الامر متعلق بالاعتداء على المنشآت العسكرية أو التعرض لها.
اقرأ دستورك.. وصوت باللي يمليه عليه ضميرك..
بص لمصلحة مصر مش مصلحة فئة.. وتأكد أنه مهما حصل مصر لولادها.. طيب أو غصب.. لا
جماعة هترهب الشعب المصري ولا أمريكا وأوروبا هتركعه.
ولازم تعرف أن الدستور مش قرآن.. يتغير وقت
الشعب المصري لما يقرر.. لازم هتكون هناك خلافات لكنها طالما تندرج تحت المباح فلا
بأس.. ومجلس الشعب القادم يستطيع تعديل وتغيير ما يراه مناسبا وللأفضل والأصلح.
مش هنقول زي الخاينين (علشان العجلة تدور نعم
للدستور).. وندفع الملايين على الرسائل الهاتفية والاعلانات والبوسترات.. هنقول
خلص ضميرك.. وقول نعم للدستور علشان نبدأ سنة أولى ديمقراطية.
قول نعم للدستور مش تهديد ولا وعيد ولا علشان
العجلة تدور.. لأ.. علشان مصر تتخطى مرحلة النكسة الاخوانجية وتبدأ توفق أوضاعها
ويجيلك مجلس شعب ورئيس تقدر تحاسبهم.
نعم للدستور.. لأن وراك خونة عاوزين يدمروا
بلدك.. عاوزين تنهار الدولة.. وفي الوقت ده يكونوا هم أكثر فصيل منظم فيحكموك غصب
عنك بالقهر والظلم.
إذا مقلتش نعم براحتك.. وإذا كسلت بمزاجك..
لكن افتكر حاجة واحدة بس أنك خذلت بلدك وناسك وشعبك.. وحققت أمنية الأهل والعشيرة
في تطويل الفترة الانتقالية التي تمر بها مصر.
اقرأ دستورك في هذا الرابط.. وقرر.. وربنا
يوفقك للطريق الصحيح.
http://egelections-
