وانتو يا حرائر..
ايوه انتو
انتو يا بنات
هو صحيح العلم اتقدم للدرجادى ؟!!
أصبح مش ف سكاشن
أوف معامل
أو ف قاعات
بقى ع الواقف
كر وفر وشألبظات
خرق وحرق
وعزق ومزق
وعض ساعات
رُدّوا يا بنات
أيوه انتو
إنتو بالذات
انتي ياللي ماشية فى مظاهرة
وشايلة سلاح
وانتي ياللي حاضنة الطبلة
وهات يارزع
وهات يا كفاح
آسف جدا ، هات يا نباح
وانتي ياللي بتحدفي طوب
وانتى ياللي بترمي المولوتوف
وانت ياللي صوتك عورة
وبتزعقي بالصوت حياني
ونازلة شتيمة ف خلق الله
وصوتك راح
أيوه انتو
انتو يا بنات
انتو صحيح طالبات ف الأزهر؟
ولا قتله وسفاحين
وبلطجية وفتوات ؟!!!!
من حسن الحظ انكو قلة
لكنكو ـ والحق يقال ـ أكبر علة
وأكبر كدبة عرفها تاريخكو
يا حضرات المحجبات
غلط اكيد ف التسمية
مش راكبة عليكم بالمرة
لا أخوات ولا مسلمات
انتو فين ودينّا فين
من وقار المؤمنات
فين سلامة الخلق منكو
المسيحي واليهودي
قبل حتى المسلمات
انتو فين ودينّا فين
من احترام الفضليات
أساتذة ياما علموكو
فين امهاتكو ومين أبوكو
اللي نشّأ واللي ربّى
ع الضلال مش ع المحبة
اللي ربّى يستخبّى
قبل م الناس يقفشوكو
للعدالة يسلموكو
يجلدوكوا ويسحلوكو
بالعتاب والملام
خلاصة الكلام
أسأتوا للاسلام
بطول تاريخه وعرضه
شوهتوا كتير مبادىء
من يوم ما كان لسه بادىء
دنستوا سماه وأرضه
ياخوفي ع الإسلام منكو
لما تبقوا أمهات
وترضعوا لعيالكو
حليب التجرمات
لأ مش كتير عليكو
انتو فعلا مجرمات
ورّوني مين فيكو النهاردة
تنفع تكون مدرسة
بعد هذا الهراء والغباء
وبعد تلك الهلوسة
ورونى مين فيكو النهاردة
وليل نهار قاعدة تكاكى
تقدر تقدم لنا
زى ما شاعر كبير
قال زمان :
شعباً عظيماً طيب الأعراقِ
واللي مش عاجبه الكلام
يرجع إلى الإسلام
ويقوللي فين هيّة القضية
وإيه سبب الانقسام
والضرب تحت الحزام
مش عودة المعزول
للكرسي والشرعية ؟!!!
خيبتكو خيبة قوية
هذا الرئيس الخئون
اللي مالوش أي لون
ولا أي طعم
ولا أي ريحة
هذا الرئيس الكذوب
هذا الرئيس الفضيحة
اللي مالوش مصداقية
واللي ماكانلوش قرار
أنا كنت فعلا حمار
يوم م انتخبتك يا مرسي
لأني مش عايز شفيق
هذا الفريق الخنيق
اللي مطلوب للعدالة
بقتله للثوار
والقصة ليها كماله
ولابد ييجى اليوم
وحتما لا محالة
وكل من خان البلد
خرب ودمر واحتشد
وأشعل النيرات
وروع الانسان
وهدِّم البنيان
استحالة مهما كان
يبقى له فيها مكان
مكانه يوم ما يموت
أوسخ صفيحة زبالة
وانتي حتبقى أمان
وزينة الأوطان
لأنك من زمان
مذكورة ف القرآن
انك يامصر أمان
وحتبقى طول الزمان
محروسة يامصر.
الشاعر : عبد الحميد زقزوق
