أبدى إبراهيم حسن مدير الكرة بفريق المصري استياءه الشديد من رئيس نادي الزمالك والتجاوزات التي يتخذها محتميا في حصانته البرلمانية.
وقال “حسن” في تصريحات تليفزيونية: “بقول للرئيس عبد الفتاح السيسي أرجوك انقذ الرياضة عاوزين رياضة نظيفة، حسام حسن تاريخ مصر ومثل مصر مع عظماء العالم وكان لوحده لا كان معاه رئيس اتحاد كرة ولا إعلامي”.
وتابع: ” إزاي رجل يبقي عضو مجلس نواب ويشتم بالأب والأم وترفع عليه قضية ويقولك أنا عندي حصانة أين العدل، في أعضاء مجلس نواب بعضهم بنقول لهم إزاي تسيبوه كده قالوا لو رفعنا عنه الحصانة الدور هيبقي علينا “.
وأضاف: ” أنا ممكن أنزل مجلس النواب عن بورسعيد وهنجح وممكن أنزل عن حلوان وأدخل مجلس النواب، غلطة كبيرة أننا تركنا الأردن عشان ندرب الزمالك في عهد مرتضى”.
واستطرد : ” كوفي اتضرب في بيت رئيس الزمالك علشان يمضي لأن كان هيبقى ساعات وعقده ينتهي مع الزمالك يعني خلص مش حبا في بورسعيد، ومحمد إبراهيم هو اللي اتعرض علينا، لكن مع احترامي لمجلس المصري من رابع المستحيلات انتقال أي لاعب إلى الزمالك في عهد مرتضى”.
وتابع: ” ابن مرتضى اتصل عليا مذلول علشان أخلي أبوه يدخل يدافع عن نفسه في أي قناة”.
