بالفيديو….كمال أبو رية يكشف أسباب انفصاله عن ماجدة زكي

تحدث الفنان كمال أبورية عن أعماله الفنية التي شارك بها في الماضي، بالإضافة إلى عمله مع الفنان عادل إمام في المسلسل الرمضاني «مأمون وشركاه»، كما أوضح السبب وراء انفصاله عن زوجته الفنانة ماجدة زكي، ومدى تأثير ذلك على حياته. يقول «أبو رية»: «أنا وماجدة زكي ساعدنا بعض كتير بالرأي والمشورة وتقييم الأعمال اللي كانت بتتعرض عليا في أوقات معينة». وتابع: «انفصالنا أثر فيا جدًا علشان أنا متعود ما أبعدش عن أولادي علشان بحبهم جدًا، وطبعًا اتضايقت جدًا آه»، واستكمل: «مفيش حد معصوم من الخطأ بالتأكيد أنا عملت حاجات كثير ضايقتها وممكن لأن الزمن بيغير الأحوال، أنا جيت في وقت حسيت إن مش هي الست اللي أنا اتجوزتها، أنا اتجوزتها وحبيتها لأسباب معينة لقيت مش هو ده اللي اختارته باختصار يعني». واستطرد «أبورية» قائلا خلال حواره مع الإعلامي عمرو الليثي: «ممكن أرجعلها كل شيء جايز، ممكن يكون نفسي أرجع وأنا مش واخد بالي، لأن هي في حياتي طول الوقت بسأل عليهم وبزورهم في البيت وهي بتتواصل معايا والعيال في وسطينا ومبسوطين أوي».