قبل ماتيجي تقولي بحبك
اعرف معني الحب ده ايه
تجرح تبعد تهجر تنسي
قولي احبك انا علي ايه؟؟؟
هو:
انا ياحبيبتي بموت في غرامك
لكن بضعف اوي قدامك
بهرب منك علشان اقوي
برجع احن ادوب في حنانك
هي:
ابعد واقوي بعيد عن عيني
وانا بكفايا ضياع في سنيني
لو بتحس بقوه في بعدي
فانا طول بعدك حيقسيني
هو:
لا مش قادر امشي واسيبك
انتي حياتي وقلبي نصيبك
لو في بعادك قلبي حيقوي
راضي بضعفي عشان بين ايدك
هي:
لا متقولش ضعيف قدامي
لازم تفهم تاني كلامي
لو كان حبك ليه يهينك
انا مرضاش تتهان قدامي
هو:
طيب انسي حاجي واقرب
انا مش قادر منك اهرب
حبك ليه حيكسر ضعفي
ده انا في عنيكي بتوه واتغرب
هي:
لو متأكد حديك فرصه
مني تقرب … وكمان حنسي
بعدك جرحك هربك مني
حنسي ده كله في اول لمسه
هو:
اااه متاكد يلا تعالي
انتي حياتي وكل امالي
ياااه علي حبك خدني لدنيا
احلي واعلي ماكان في خيالي
