قال الرئيس عبدالفتاح السيسي، إنه لن يسمح بالتفريط في أي قطعة ارض، مضيفا: “طول ما أنا عايش على وش الدنيا، عمري ما هسيب حد ياخد حاجة، واللي عايز يتحداني يتحدى حق من حقوق ربنا في الأرض، لأن معنديش مصلحة، أنا بيني وبينك حق ربنا”.
وأضاف السيسي، خلال كلمته في افتتاح مشروعات تنموية بمحافظة دمياط: “آخر الشهر ده هنقعد مع المحافظين ومديري الأمن وقادة الجيش، و20 شاب من كل محافظة، عشان نشوف عملنا إيه”.
وتابع الرئيس: “فيه أراضي ناس حاطة إيديها عليها، مفيش في الدولة حد فوق القانون وفوق الحق، فيه ناس فاكرة إنها فوق القانون وفوق الحقوق”.
واستطرد السيسي: “اللي فوق القانون هو القانون، واللي فوق الحق هو الحق”.
ويفتتح الرئيس عبدالفتاح السيسي، مشروعات تنموية في دمياط، منها النموذج التجريبي لمشروع مدينة الأثاث المقام على 331 فدانا في شطا، ومشروع إسكان دار مصر والمستشفى العسكري بمدينة دمياط الجديدة، ومستشفى طوارئ كفر سعد، ويرافقه خلال الزيارة، المهندس شريف إسماعيل رئيس مجلس الوزراء، وكبار رجال الدولة.
