شن الإعلامي علاء وحيد المتحدث الرسمي باسم النادي الإسماعيلي هجوما عنيفا على عصام الحضري حارس مرمى فريق وادي دجلة ومنتخب مصر، بسبب ظهوره في برنامج رامز جلال، وتعرضه للإهانة من الفنان الكوميدي.
وكتب وحيد عبر حسابه على فيسبوك “عصام الحضري بحبك وبقدرك وبحترمك بس الفلوس مش كل حاجة، أنا عارف ان ظهورك مع رامز بالاتفاق معاك وانت عارف قبل ما تسافر أنه برنامج رامز وأخدت مبلغ كبير وربنا يزيدك، بس بجد عيب كلام رامز عليك وعلى بلدك وعلى عائلتك، بجد انت لا تمثل نفسك أنت حارس مرمى منتخبنا إهانتك تمسنا وتؤذينا كلنا”.
وأضاف “تلميحات وتريقة رامز عليك وعلى كفر البطيخ عنصرية لأنه أهانك وأهان كل قرايبك، لو عاوز تكون راجل زي ماعرفناك رجع فلوس البرنامج لهم وارفع دعوى ضد كل من أهانك وادعو كل أهلك لرفع دعوى أيضا، وكل واحد بيحبك وبيشجعك يرفع هو الآخر دعوى، بجد غير كده وهتسكت وتقول ده هزار وتفضل الفلوس على كرامتك وكرامة بلدك هتخسر أي احترام كنا بنكنه ليك”.
