عليل بحبك يا مصر لما بي تضيق الدنيا** أغمض عيني و أرسملك صورة **أحلى صورة جت على بالي ** وتهب نسايم عبير ترابك **وأسمع نيلك يجري بدمي **وشعاع شمسك ينور سماي **في ظلمة ليلي **أحس بوجودي وأحس إني عايش**بأحضانك يا أمي **يا مصر حبك جرحي و داويا **عليل بشوقي لكل ما فيك **في الغربة عايش ولاكأنه عايش **ارضي سماي و سماي ارضي** والدمعة رفيقة أحزاني ودربي **ونفسي مكسورة من بعدك يا أمي**حبة من ترابك بكنوز الدنيا **الغربة هدتنا يا مصر وهدتنا **إيه اللي جابرنا نبعد عنك!! دي ليلة في حضنك تساوي الدنيا**الناس بتحسدنا على الغربة و بتحسدنا **وكرامتنا متهانة من بعد بلدنا **ماشيين في طريق نهايته مش باينة؟ نبكي ونداري خايفين من دموعنا **مزروع بأرض يامصر مش ارضي **اولادي بتكبر ومش عارفين أمي**خايف على اولادي ينسوا بلدهم **دي الغربة خدتهم زي ما خدتني **ضميني بحضنك يا غالية و ضميني **اسقيني حنانك يا أمي واسقيني**الصحراء جوايا ومحدش معايا ** يخفف عني شوقي وحنيني ** ليك يا مصر حب مش عادي **يصحي آلامي كل مافيك** وحشاني ارضك ومشتاق لسماك ** وناسك الحلوة واللـه وحشني ** خايف أموت بعيد عن احضانك ** لا طلت سماك يا مصر ولا ارضك **كثير علي يضمني ترابك!! ** عشت محروم في حياتي وموتي ** عهد علي لازرع باولادي** يوفوا بعهدي والله من بعدي ** واثبت اقدامهم بارض اجدادهم** وانقذهم من غربة با مصر ذلتني**
الكاتبة و الأديبة : فايدة أحمد
الكاتبة و الأديبة : فايدة أحمد
