نختلف مع الأنظمة التي تحكم مصر لعدم عدالتها ونختلف مع أشخاص يمارسون يومياً التمييز والعنصرية ضدنا ولكن لا نختلف على مصر .. ممكن نكون زعلانين من غلاء المعيشة وممكن يكون تعرضنا لظلم كتير ومش عارفين ناخد حقوقنا بس ده ولا يهز شعرة في حبنا لمصر .. البعض ممكن يرفض الكلام ده أو يقول أني ببالغ بس أقدر أقول عن تجربة أني حسيت بقيمة مصر أكتر وأنا في الغربة .. دايماً أشعر بحنين لشوارعها وزحمتها وشهامة ناسها ولمة الأصحاب وذكريات المدرسة والجامعة .. أشعر بحنين للأرض والأشجار وحتى مياه النيل الملوثة واللي بتجيب بلهارسيا فأنا من 12 سنة أشرب المياه المعدنية “أنواع كتيرة زي ايفيان الفرنسية اللي قالت عليها المدعوة شيرين عبد الوهاب اللي أهانت مصر” ومع ذلك أشتكي من بعض الأمراض فليس بالماء وحده يحيا الإنسان .. وتحيا مصر.
رأفت كمال
صحفي
