قال الإعلامي محمود سعد، إن ضآلة التعويضات التي من المقرر أن تُمنح للمدنيين، الذين أصيبوا في حادث تفجير مبنى الأمن الوطني بشبرا الخيمة، اليوم الخميس، «تضّحك وتبكي في نفس الوقت»، مردفًأ: «وأنا هسيبكم إنتوا تتكلموا عشان أنا معنديش استعداد أدخل السجن بسبب التعليق اللي يُفترض أقوله».
وأضاف سعد، خلال برنامجه «آخر النهار»، عبر فضائية «النهار»، «الصحة أعلنت إن المصاب اللي يقعد 24 ساعة يتعوض بألف جنيه، واللي أكتر من 24 ساعة يتعوض بألفين جنيه، والنبي في حاجة اسمها كده في الدنيا، أنا مش هعلق عشان أخاف من الكلام اللي أنا هقوله، أصله كلام يعاقب عليه القانون».
وتابع: «كان أكرم لوزارة الصحة متعلنش عن تعويضات للمصابين، أحسن من الكلام عن ألف جنيه وألفين جنيه للمصابين، يا جماعة هي دي القيمة، فين دراسة الحالة، إذا كانت الحكومة عايزة مشاركة حقيقية من الناس فبلاش تتسرع، وبلاش تعمل حاجات زي دي».
