وامحمداااااااااااااااااااااااااااااااااااااااااااااه..!!
لا إله إلا الله.. هي حياتنا وسر وجودنا ومربط الفرس في عقيدتنا القوية ..
محمد رسول الله.. هي جواب شرط لا إله إلا الله وهي اللي بتكمل إيمان كل مسلم على كل أرض في أنحاء البريّة..
واسلاماااااه.. ندائنا وشعارنا وعقيدتنا وديننا وطريقنا المستقيم وسر هويتنا وعزتنا الأبدية..
وامحمدااااه..تاج رؤسنا وقدوتنا ورسولنا وخير خلق الله وإمام المؤمنين والشخصية الكريمة الأبية..!!
محمد..حبيب الله والوريث وخير خلق الأرض إمامنا وإمام كل المؤمنين..محمد رسول الله ودُرة البشر وقائد كتيبة المجاهدين..محمد رسول الله حامل راية الحق والعدل والمثل الأعلى والصادق الأمين..محمد رسول الله رمز العزة والسماحة والكرامة رغم أنف الحاقدين..حبيبي يارسول الله يا من صلى الله عليك وسلم واللي أصبح شعارا وقولا مأثورا يردده كل المسلمين..الصادق العادل والقدوة ومعلم الأمة والحبيب والشفيع لينا عند رب العالمين..محمد رسول الله حكيم الزمان ورحيم الأمة ومعلمها ومنارتها رغم أنف الكافرين..محمد رسول الله نور الله الساطع وكلمة الحق والفارس النيل الموصول بالسماء ليوم الدين..محمد رسول الله الذي لاينطق عن الهوى والرسول الصادق الحق الورع التقي صاحب رسالة الإسلام والقرآن الكريم المكين..محمدنا أكبر من كل هجوم أو إسفاف وغني بسيرته الثرية عن دفاعنا أجمعين..مين قال حبيب الله وأمين الأمة تتهز سيرته بإسفاف شوية حثالة من المهرجين..مين قال خير البشر وأعظم من أنجبته البشرية يتأثر بفيلم أو حتى مسلسل من شوية مهووسين..مين قال سحابة الكفر والتعصب تداري عن شمس الإيمان والسماحة والشفاعة للمؤمنين..مين قال إن فيلم هابط ومجتمع عنصري يقدر يشكك في طهارة نبينا الرسول الكريم إمام المرسلين..لكن العيب مش في اللي تطاول على رسولنا ورمزنا بفيلم هابط أو قصة فاجرة أو سيناريو لعين..ولا العيب في بلاد بتدعي الحرية والديمقراطية وبتسمح ببث إسفاف الجاهلين..العيب مش في أهل الكفر والنفاق العيب للأسف فينا وكلنا عنه مسئولين..العيب في نموذج لمسلم بدقن وذبيبة وقال الله وقال الرسول بيطلع في التليفزيون ويسب عيني عينك إخواننا المسيحيين..العيب في واحد بدقن كبيرة وطويلة بيحرق الإنجيل كتاب عيسى اللي تنبأ بقدوم رسولنا محمد الأمين..العيب لما تلاقي نائب بيتكلم بوقار وخشوع أمام الكاميرات وهو بيدعي بالكذب إنه تعرض للسرقة والضرب قال يعني ذكي وبيضحك على المواطنين..العيب على نائب من أهل الدين وتابع لتيار ديني مُعيّن ويُضبط في حالة تلبس مع فتاه تم فضحها إعلاميا والنائب إختفى في الدرة وتأخرت محاكمته لأنه من ولاد الذين..العيب لما تلاقي قيادي كاد يكون رئيسا يبقى بوجهين يهاجم أمريكا بالعربي ويرسل رسالة تهدئة للأمريكان ويسيبك محتار مش عارف تصدق مين وللا مين..العيب لما تلاقي أيام الرسوم الدنماركية المسيئة ودعوات جماعة المقطم بالتظاهرات والمقاطعة فاكرين الناس ناسيين..نفس الجماعة ونفس الوجوه وبعد هبر السُلطة طالبوا الناس بعد الفيلم المسئ بالتهدئة وعدم التعرض لمصالح حلفائهم الأمريكان حسب نظرية الرايجة فين..العيب لما تلاقي حزب حاكم بيدعوا لمليونية ثم يتبرأ منها في يوم وليلة بل ويهاجم في بياناته اللي راحوا للسفارة الأمريكية متظاهرين..جماعة الخير ليها قانون غريب وعجيب فالمظاهرات حرام إن كانت تتعارض مع مصالحهم أما إذا توافقت مع أهوائهم فهي حلال مُبين..العيب فينا لما نسينا كلمات كتابنا الحكيم ” وقل اعملوا ” وإعتمدنا على اللي بنقول عليهم كافرين..العيب فينا لما بقينا شعوب من العوالة على الغرب في كل شئ معتمدين..العيب فينا لما نسينا ” واعتصموا بحبل الله ولا تفرقوا” وتصارعنا واختلفنا وأصبحنا جميعا في الرأي والمصالح مُختلفين..لقد أسأنا لرسولنا الكريم وتناسينا تعاليمه ومبادئ رسالته والهدف منها أن نكون ” خير أمة أُخرجت للناس ” وتحكمت فينا شهواتنا الدنيوية وصرنا لإختلافاتنا عاشقين..العيب فينا لما نسينا ” كلكم راع وكل مسئول عن رعيته” ولقينا حكام بيدبحوا رعاياهم زي الفراخ والنعاج وعبدوا كرسي الحكم وأصبحوا مستبدين..العيب فينا لما نسينا “والله إذا سرقت فاطمة بنت محمد لقطعت يدها” وتركنا مسئولينا ينهشوا في خيرات بلادنا وفضلنا طول أيامنا خيرنا لغيرنا عايشين منهوبين…العيب فينا لما نسينا ” المؤمن للمؤمن كالبنيان المرصوص” ودفعنا الرشاوي واشترينا السلاح والمرتزقة لإسقاط نُظم حكم تتعارض مع مصالحنا وشارك بعضنا مع أعدائنا في قتل شعوب المسلمين..العيب فينا لما نشلنا أحلام شعوبنا وسرقنا أمانيها ونسينا عزة ديننا وماضينا وحضارتنا اللي بناها أجدادنا طول السنين..يبقى ليه لما ييجي أعدائنا ويعملوا فيلم خايب سفيه نروح نزعل ونهاجم السفارات الغربية ونعمل زعلانين..مش قالوا من هانت عليه نفسه كانت على غيره أهون يبقى ليه ندعي شرف الكرامة ونتظاهر بأننا على ديننا ورسولنا غيورين..!! الخلاصة لما نفرط في تراثنا وتقاليدنا..لما نفضل عاجزين من غير إنتاج أو إبتكار وعاجزين نبني من تاني حضارتنا..لما نترصد لبعضنا ونتآمر على أحلامنا ونعري قدام العالم أسرارنا ونظهر للعالم فضيحتنا..يبقى عادي يتطاول علينا دود الأرض ويصنعوا وهم وشئ سفيه مش كفاية علينا بنشوف كل يوم مسلسل يدل على سخافتنا وتفاهتنا..الخلاصة إحنا اللي أسأنا لرسولنا وحبيبنا ومعلمنا لما بكل بساطة لما اتنازلنا بإرادتنا عن إرادتنا..!! لكن ورب محمد وحق لا إله إلا الله..لن يُهان رسولنا ما دامت قلوبنا تنبض بالحياه..لن يورثنا الذل حاكم أو مسئول بعد الآن حتى لو كان الحاكم بأمر الله..سننهض من جديد ونحيى رسالة الحبيب ونتبع من جديد خُطاه..سامحنا ياحبيب الله وقدوتنا وشفيعنا عند الكريم في عُلاه..هي في قلوبنا وعقولنا وعقيدتنا ونهجنا لا شئ سواها وامحمداااه..وامحمداااااه..!! said_elmasryfahmy@hotmail.com
