حنا محتاجين حد يحسسنا إننا بشر ، محتاجين حد منتكسفش منُه و نحكيلُه كُل تفاصيل حياتنا بكُل العُمق و الدوشه و الحُزن و الكآبه و حتي الهيافه اللي فينا ، محتاجين حد يسمعنا علشان عايز يسمعنا ، مش علشان ده واجب أو فرض عليه ، محتاجين نطلع الطفوله اللي جوانا و نتصرف براحتنا من غير ما يتقلنا ” بطلوا هيافه ” ، محتاجين حد نقولُه عن مشاكلنا من غير ما يقولنا ” إنت كئيب و نكدي ” ، عاوزين طبطبه و إحتواء مع عقل ينصحنا و يكمل أحلامنا ، حد ما نخفش من الدُنيا و مصايبها و هو معانا ، حد قابلنا بعيوبنا و كلاكعنا و مزاجنا اللي بيتغير في الساعه الواحده مليون مره ، حد ما نُطلُبش منُه إنُه يسندنا ، لأ ، هو يسندنا قبل ما نبدأ نوقع ، حد يعوضنا شويه عن حالة اليأس و الحُزن اللي عشناهم و يحسسنا إننا لينا قيمه و إن غيابنا بيفرق معاه ، مش مُجرد حاجه علي الرف ، إحنا عايزين حُقن طبطبه و إهتمام و حُب و ثقه و سند و أمان ، مش حُقن إرتباط و خلاص ، إختاروا صح علشان الندم في الإرتباط ما بيبقاش مُجرد كلمة ” ياريتني “
ده بيبقي وجع و شروخ بتعشش جوانا.
