مرة و انا راجع من المدرسة و انا في اولي اعدادي سوسته البنطلون اللي انا كنت لبسوا باظت بس زرار البنطلون كان سليم و مش مبين ان السوسته بايظه و ايامها مكنتش بلبس حزام و قعت واقف مش لاقي مواصلات لحد ما جيه اتوبيس زحمة جدا قولت اركبوا و خلاص و مع الزحمه الزرار اللي كان سليم اتقطع هو كمان و البنطلون بدا يقع و طبعا بان ان السوسته بايظه نزلت من الاتوبيس قبل البيت بشويه و انا ماسك البنطلون دخلت شارع طويل كده بعد كده الشارع بتاعنا و طبعا عمال ابص في عيون الناس اشوف مين شايفاني و مين مش شايفاني لحد ما لاقيت راجل اسود و شعروا كبير و عمال يبرقلي من بعيد و بعد كده بدا يقرب مني شكلوا كده مجنون و هيشدلي البنطلون طب و بعدين قعدت افكر اجري و لا أقف لحد ما قررت أقف و ماسك البنطلون جامد هيجي يشيدوا هيلاقيه مش بيشد هيسبني و يمشي بس لاني كنت مركز معاه هو و مش مركز مع اللي حواليا وقفت قدام قهوة مليانه ناس و الراجل بدا يقرب يقرب لحد ما وصل لحد عندي و راح مشاور علي سوسته البنطلون عندي و قعد يضحك ضحك هيستري و الناس اللي علي قهوة تبصلي و تضحك و انا اقوله خلاص بقي و هو مش ساكت عمال يضحك و الناس تضحك علي ضحكته الهستيريا لحد ما انا سبتوا و طلعت جريت و هو قعد يجري ورايا و يشاور عليا و يضحك و بعد كده سابني قعت اسبوعين معديش من الشارع ده لحسن يكون حد من اللي شاف الموقف ده يشوفني و يضحك عليا
